kabilang buhay

sumisiksik sa mga talukap ng ulap ang bawat salita
binubulabog ang kalawakan ng kamalayan

sa pagdulog ng pananangis
sa paghiling sa mga diyos-

diyosang magsugo ng manunubos sa sansinukob
na kukupkop sa bumubundat na inip,

ano’t manlilinlang ang isang libong libang
hanggang ang mga kulay magtalik –

ang puti sa pula sa itim, sa salu-
salong walang patid. paulit-ulit. inulit-ulit.

sa basbas ng dilim, ang lahat-
lahat mo ay sumuko nang palihim.

mula sa pintang Surrender ni Jenny Mamaril